周日人民銀行「放水」，周一滬深股市齊齊上升3%，疑似被「警告」的內地創業板都「唔理咁多」，指數再度被炒高6%，突破3100點大關，再創新高。
理論上跟A股同氣連枝的恒指卻先高後低，升幅由升259點收窄至140點，僅升0.5%，H指更曾經倒跌，到昨日，兩大指數更「反方向」跌逾1%。
有證券界朋友指，港股同內地股市表現「背馳」，反映外資投資者對由中央「牽頭」的大升市仍抱不信任態度。朋友謂：「周一A股升成3%，恒指都只係好隨意咁跟升嗰0.5%，成交仲要縮㖭，情況真係唔係咁好……上升冇跟足升，有時A股跌，港股仲跌得多，一副散水格」 。
說到「散水」，朋友還有話要說。他指有些外資基金不買入股份不特止，還趁高位減持。他說：「喺近幾個禮拜，一到周一周二就爆好多配股出嚟，好多外資基金趁機攞埋啲倉底貨出嚟沽，呢個都係壓住個市升唔到嘅原因之一。」
老外何時會相信並入市？朋友笑言要看升市「長命」，還是基金客戶對「跑輸大市」的容忍度高了。

密西比