當年今日

求驗客手記:鹿角又輸衞冕有排慌 - 求驗客

蘋果日報 2009/10/05 00:00


力爭成為日聯3連冠嘅鹿島鹿角噚日步清水心跳嘅後塵失分,主場輸俾新潟天鵝0:1,搞到前列形勢亂過亂世佳人,前6名球隊只有5分差距。家陣少打1場嘅鹿角喺禮拜三會喺主場同前鋒,踢埋之前因天雨而腰斬而剩落嘅15分鐘,而喺未腰斬之前佢哋落後緊1:3,以佢哋家陣嘅狀態(對上9場比賽2贏7輸),加上時間得番咁少,睇怕呢3分冇硬,仲會同心跳同以28戰得50分並列榜首。而喺餘下6場聯賽,佢哋除咗要硬撼飛腳同埋紅鑽外,亦要對護級嘅山形山神同埋千葉市原,所以真係非常難打。無錯佢哋仲係奪標大熱(2.8倍),但我求大俠就唔睇好佢哋可以完成3連冠美夢囉。