霍家金叵羅出世後，霍家上下十分興奮，最高輩份、年近90歲的太嫲呂燕妮，昨日再與兒子霍震霆、孫兒啟山手拖手現身養和探剛晶B，啟人因在外地未能返港探姪仔。爺爺霍震霆最近忙於奔走內地全運會，依然笑容滿面，繼續對孫仔讚不絕口，問到會否希望剛晶三年抱兩？他即笑晒：「哈哈，佢哋始終係第一個，等佢哋計劃再講。」問到霍爺爺有否教啟剛抱B？他笑言：「我哋有啲震震驚驚，自己都麻麻哋，好緊張。」
郭晶晶的父母連日都低調到醫院照顧女兒，昨午晶晶母親再度現身，啟剛的好友莊家彬於晚上前來探B，他表示送了BB小禮物。此外，啟剛昨日派發300元利是及西餅給連日守候的傳媒。

逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！