楊千嬅今日在金鐘出席宣傳活動，早前她和老公丁子高合作拍攝廣告，兩人變身80歲老人造型上陣，今日重溫片段感觸眼濕濕。千嬅看片後說：「拍攝時好神秘，連去廁所啲鏡都封晒，更加唔知丁生都會老妝出現，一見到好感動，白頭偕老，佢喊住話唔想我離開。」

千嬅透露拍戲時經常會化老妝，但見到丁生同一個造型感覺有異，她說：「佢望到我喊，我都有好感觸，但當時我要保持一個演員狀態，睇完條片唔想再睇，我驚會喊，因為係講80幾歲，我都唔知可以活到幾耐。我問丁生佢都冇同我講喊乜，但佢同同事講，離開感覺好強烈，覺得老公好感性，認識老公多咗，亦有彩蛋，拍攝前仲開香檳慶祝我第二日生日，畀咗個難忘生日我。而且今年係結婚10週年，覺得老公而家講嘢聲氣好咗，誤打誤撞有呢個體會。」

千嬅表示不想兒子Torres看到片段，她笑說：「最勁係老公第一時間畀佢睇，永遠諗嘅嘢同我相反，囝囝睇完一陣之後，反問我哋點解咁老，咁我都有解釋畀佢聽。」千嬅本月底會展開巡唱，積極籌備中，現時食得清淡加做運動，巡唱預計明年會唱到香港。

至於，早前陳冠希在網上因自家品牌事件「辣埋」千嬅，指她是蛇蠍小人，不是朋友（新聞連結： https://bit.ly/2RL5Cgk ），對於陳冠希突然畫清界線，千嬅表示較少和對方聯絡，並說：「唔知道件事，但我當佢係朋友所以唔回應。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef