昨晚在深水埗發生的奪命交通意外，死者60歲許姓男子，本身是資深賽車手。與死者在賽車場上認識的車房老闆麥志平，就在意外現場附近開車房，昨晚聽到隆然巨響，走出查看驚見倒地的傷者，竟是認識18年的戰友，坦言百感交集。「佢喺度嗌，仲未昏迷，大字形攤喺度，左腳掌已經（輾）爛晒。」當時許妻亦在現場，幸無被撞及，不過，許妻驚見丈夫重創，已驚到「出唔到聲、面都青埋」。

麥生在賽車場認識死者，曾經同場較量，稱讚許是資深車手，參與過大大小小賽事，嬴得多個獎項，「佢手車OK㗎，屬於快嘅，唔覺有咩意外，佢唔會夜晚飛車，賽車係運動。」麥已沒見許5、6年，無想過再見，已是真正的「再見」，乍見朋友發生意外逝世，麥傷感表示「梗係唔開心，冇諗過喺橫街窄巷會發生咁嚴重交通意外。」他當時即場問過水車司機，「佢話鬼揞眼，可能油門當腳掣入錯咗，佢話拉手掣拉極都拉唔停！」

麥當時見到73歲的水車司機，精神狀態不差，唔係「恰眼瞓」，不過意外後表現驚慌，「呆呆地」，但麥認為73歲應該退休，「年紀太大了，最怕超時工作，年紀大，體力有限，做職業司機唔好，對途人構成危險。」

當時死者為一間回收公司落貨而釀意外，回收公司老闆鍾先生表示，不認識死者，水車當時已洗完街，準備開車離去，「架車好似有心撞過嚟，嘭一聲衝嚟，見到受傷事主抖氣好出力，講唔到嘢，佢老婆喺車度，喊晒，好快有警察同救護車嚟。」他形容見到慘劇發生「好痛苦」，特別買來祭品拜祭死者，他說昨晚很少車泊在路邊，不明意外發生原因，「可能水車司機有問題！」

至於被撞傷的巴基斯坦男子Usman，他自言從車罅走出，便被水車從後撞倒，雙手及左腰均受傷，他估計水車「冇brake」，他經治療後已出院。

你敢爆，我敢獎！ 即Call《蘋果》24小時爆相爆片熱線 ：63836568