馮仁昭四圍超：安仔刷牙廣告遭惡搞 50萬點擊尖到煩 - 馮仁昭
蘋果日報 2010/07/12 00:00
許志安最近拍咗個牙刷廣告，着住底衫睡褲喺浴室，懶輕鬆咁邊跳舞邊刷牙，仲將經典英文歌《AllIHaveToDoIsDream》嘅dreamdreamdream歌詞改成尖尖尖咁唱。廣告出咗冇幾耐，就成為網民惡搞目標，將30秒廣告加長到10分幾鐘，安仔不停喺畫面度扭嚟扭去係咁「尖尖尖」，有啲網民睇完猛話「尖到你煩」、「睇完瞓唔着」，仲有人扮安仔回應：「可唔可能停吓，我刷到好累……」，都幾搞笑，條片喺六月底放咗上youtube，到家已經有超過50萬點擊，facebook都有人轉閱。
網友還將安仔唱每粒尖字音以中文譯出來，相當搞笑。
許志安同蘇永康袒胸演出完後，四子即去睇世界盃季軍賽。
爆健仔有易服癖
安仔俾人惡搞，佢老友張衞健就惡搞自己嚟取悅觀眾，前晚Big4巡迴演唱會喺澳門舉行，其間健仔話：「我係首位血淋淋喺舞台上呈現自己身份證嘅人。」螢幕就分別出現佢嘅身份證同回鄉證，兩張相都係大笑樣，不過應該係假嘅電腦合成相。
後來蘇康又爆健仔自從喺演唱會入面扮女dancer幫佢伴舞後，愛上扮女人，蘇康話：「阿嫂話我知佢晚晚對住鏡梳頭，嚟澳門開騷都堅持有番呢個造型，滿足佢嘅易服癖。」
健仔即除假髮鬧佢：「做乜唔早啲介紹我，要我焗住個假髮好辛苦o架。」後來訪問講到幾位唱歌甩嘴情況，佢哋話係效法譚詠麟，因為想去到佢嘅級數喎！做完騷，幾條麻甩佬一齊睇世界盃季軍戰，除咗蘇康，其餘都貼德國贏，蘇康話：「我從來唔睇波o架！」
後來蘇康又爆健仔自從喺演唱會入面扮女dancer幫佢伴舞後，愛上扮女人，蘇康話：「阿嫂話我知佢晚晚對住鏡梳頭，嚟澳門開騷都堅持有番呢個造型，滿足佢嘅易服癖。」
健仔即除假髮鬧佢：「做乜唔早啲介紹我，要我焗住個假髮好辛苦o架。」後來訪問講到幾位唱歌甩嘴情況，佢哋話係效法譚詠麟，因為想去到佢嘅級數喎！做完騷，幾條麻甩佬一齊睇世界盃季軍戰，除咗蘇康，其餘都貼德國贏，蘇康話：「我從來唔睇波o架！」
張衞健喺澳門嘅Big4演唱會繼續表演蜈蚣彈。