荷李活巨星佐治古尼（George Clooney）6月先做完老竇，仲話自己因為湊龍鳳胎一日喊足4次，但最近有消息指佢老婆Amal可能又陀雙胞胎。

39歲嘅Amal友人表示佢最近食量大增，食到幾乎有3人份量咁多！「Amal懷孕哂徵兆同之前一開始懷孕時一樣，除咗狂食之外，成個人都變得好情緒化。」不過爆料者就話Amal可能已經懷孕數周，未必咁快見肚。「佢第一次懷孕時前幾個月都唔見肚，甚至一直做嘢做到生前幾星期。」

不過呢單消息好快就被專踢爆傳聞嘅《Gossip Cop》否認，而Amal都已投入返律師工作，為馬爾代夫前總統Mohamed Nasheed繼續作辯護。