民主黨創黨主席、資深大律師李柱銘囝囝李祖詒（Joseph）加入咗資深大律師林定國「支莊」，參選1月18日嘅大律師公會改選，相反佢家父李柱銘則力挺林定國嘅對手資深大律師戴啟思，Joseph同民主之父唱對台，戲碼十足。

林定國嘅名單喺Facebook公布咗Joseph喺「參選宣言」，表明對林定國信心十足，認為林係帶領公會前行嘅理想人選，相信佢會捍衛法治。

至於戴啟思名單，佢哋日前公布咗一張近60位大律師嘅支持名單，連計佢哋早前十人提名名單，一共有獲70人支持。兩份支持和提名名單，加埋一共有14位資深大律師，除咗李柱銘、余若薇、梁家傑外，仲有陸貽信、祁志、李秋源、大律師公會前主席林孟達等，呢場法律界大戰，仲唔係今年初首場觸目戰事？