日模松岡李娜今日到西貢Tiki Tiki Bowling Bar出席活動，佢透露啱啱完成寫真集拍攝，預計嚟緊七月書展推出，佢話：「成本寫真都係香港拍攝，因為我喺香港生活咗八年，已經好熟悉香港文化，所以希望寫真都充滿香港特色。」

問到寫真內會唔會好性感？佢話會有Bikini同內衣照，而且主題係男友視角，所以內容都係一對情侶嘅生活日常照。每年都有唔少靚模推出寫真，問到松岡有咩方法突圍？佢話：「自己其實冇想過出寫真，不過經理人同我提議，自己開頭都覺得好Surprise，但後來又覺得可以趁變老前影一啲好靚嘅相，於是就答應。」

松岡話到時書展都會落去宣傳，問到知唔知o依家書展唔可以着得太性感落去，佢話唔知仲反問記者點解，經解釋後佢就話性感留番喺書度睇，自己到時會着到好正常咁落去。問到緋聞男友周焯華(洗米華)日前生日(新聞連結： https://bit.ly/2J9rFK9 )，有冇同對方慶祝？松岡就話：「生日好開心，不過我哋好耐冇見。」

精選娛聞，喺晒《娛果》
http://fb.com/appledailyent