周日(10日)沙田編跑十場，兩泥八草，用利跟前的Ｃ跑道角逐。蘇偉賢兩次賽事都有馬贏，做好一批馬在季初出擊，攻勢會繼續。另一些熱過身之馬，可多加留意，如剛戰「亞馬寶寶」匆出即能變身跑得好。

第九場三班草地1200米，「豈等閒」加盟羅富全經悉心訓練，受操體重上升21磅，絕對好現象，九月初潘頓試大閘，直路輕騎發力追趕，逼近「承你所願」，狀態起得恰好，難怪潘頓放棄「鐵胆王」而相就。「豈等閒」報跑1200米情況如「銘記心中」，縮落短途爆一段，往往有意想不到好表現，爭勝機會可秤先。

同場「平湖之星」上季在港初出負一馬鼻位未竟全功，外地只跑兩場，應尚有大幅進步空間，夠速度排一檔好跑，是三甲分子。「鐵胆王」上季可能評分高企或健康出問題，跑落體重遞減，經小休復課做得工夫，體重回升22磅，試閘一放絕塵，輕鬆拋甩九馬位，轉倉未交代，一定戰意鮮明。「笑春風」今季復課試大閘居中跟跑，未見真章，埋門莫雷拉操兩課，已及爭勝水準。「仁仁友福」上季尾贏開，復課狀態無走樣，可兼顧作配。