噚日42歲牛一嘅美籍韓裔歌手劉承俊，早年因為涉嫌逃避兵役而被韓國政府拒絕再入境，令佢一直留喺美國居住，冇得返回韓國。

劉承俊喺韓國曾經紅極一時，之後佢就移師陣地到大陸發展，結婚13年嘅劉承俊，今年10月宣佈妻子順產雙胞胎女兒，佢同老婆本身育有兩名兒子，現時就升呢做四子女之父。

劉承俊噚日就喺社交網公開雙胞胎小B女嘅照片，只見小B女肥嘟嘟，十分可愛。劉承俊留言話：「非常感謝你爲爸爸慶祝生日。」網民都大讚B女好可愛。

另外，劉承俊上月曾宣佈將回歸韓國樂壇，推出自己作詞嘅新專輯，但佢因為之前逃兵役風波影響，至今仍未被韓國觀眾接受，最終推出新碟計劃亦告吹。

精選韓流，喺晒《娛果》
http://fb.com/appledailyent