【今日體片】安歷基派口罩宣讀下月歐國聯大軍 安素法迪等6人首度入選
西班牙歐洲足球歐國聯
歐洲足協(UEFA)禮拜三公佈,9月3日至5日以及9月6日至8日的首兩輪歐國聯比賽,將會以閉門形式如期回歸。西班牙國家隊隨即喺禮拜四公佈24人大軍名單,特別之處在於,主帥安歷基就用派口罩方式,拍咗條片嚟宣佈名單。
當中,今季喺英超各受批評嘅兩大門將,曼聯嘅迪基亞同車路士嘅阿列沙巴拿加照樣入選。安歷基亦特意揀咗唔少今季喺球會表現幾搶眼嘅球員入選,當中有6人係首次入選,有機會喺今次歐國聯拎到首頂大國腳「喼帽」,包括巴塞17歲翼鋒安素法迪、曼城中堅艾利加西亞、、啱啱由華倫西亞轉投咗藍月嘅費倫托利斯等。
狂牛3號會先作喺斯圖加特作客德國,之後6號返番西班牙,喺皇家馬德里復賽後,亦係佢地B隊嘅主場迪史堤芬奴球場對烏克蘭。
門將︰迪基亞(曼聯)、阿列沙巴拿加(車路士)、烏尼西蒙*(畢爾包)
後衞︰丹尼爾卡華積、沙治奧拉莫斯(皇家馬德里)、捷西斯拿華斯、利古朗(西維爾)、迪亞高洛蘭迪(皇家蘇斯達)、荷西加耶(華倫西亞)、柏奧托利斯(維拉利爾)、艾利加西亞*(曼城)
中場︰布斯基斯(巴塞隆拿)、馬高阿辛斯奧、洛迪古斯阿尼斯*(皇家馬德里)、奧耶沙巴爾、米基爾馬連奴*(皇家蘇斯達)、洛迪卡斯簡迪、費倫托利斯*(曼城)、法比安彭拿(拿玻里)、堤亞高艾簡達拿(拜仁慕尼黑)、丹尼爾奧莫(RB萊比錫)
前鋒︰安素法迪*(巴塞隆拿)、洛迪高摩連奴(華倫西亞)、艾達馬查奧爾(狼隊)
------------------------------
邦民日本財務急你所急,只需要一個手提電話號碼同一張身份證#就可以申請貸款。
推廣期由2020年7月1日至2020年8月31日(包括首尾兩天)
須受條款及細則約束,詳情留意邦民日本財務(香港)網頁。
------------------------------