讚球員讚得太激動 哥帥被英足總「照肺」
曼城修咸頓哥迪奧拿英足總列特文英國足球
曼城周三驚險絕殺修咸頓2:1場波,領隊哥迪奧拿被拍到賽後同對方中場列特文好似有言語衝突,前者個樣仲好激動咁款。雖然兩人及後都淡化呢件事,但英足總竟覺得事態嚴重,要求哥帥向佢哋解釋番事情因由,了解吓佢點解咁激動。
哥迪奧拿將要喺下周一前回應足總,給予充足解釋,但外界亦相信呢啲只係普通照肺,順道提醒一下哥帥以後要注意自己行為,九成唔會被罰。
哥帥早前已向傳媒話,佢只係同列特文讚佢係一位好球員,就係咁簡單,而列特文亦話其實冇事,同哥帥講嘅冇乜大出入,仲話兩人嘅對話相當正面同充滿敬意,只係哥帥不嬲表情比較激動啫!
--------------------
係你!打造星級球隊,征服各地聯賽!立即加入『BFB CHAMPIONS 2.0』! http://bit.ly/2xrTKGM