【港版國安法】音樂人馮穎琪繼續做自己 無懼新法限制創作
蘋果日報 2020/06/24 16:44
馮穎琪
音樂創作人馮穎琪今日在商台宣傳新歌《清酒之約》，她笑言喜歡清酒的程度，除了寫歌之外，更抽時間去學如何品嘗清酒，所以對清酒已有越來越多的認識。提到她偏愛清酒，馮穎琪笑說：「都係，我本身鍾意飲兩杯，幾年前有朋友做清酒，佢教我點飲，我就鍾意咗嗰種感覺，加上係用米造嘅酒，對於我嘅腸胃，我覺得舒服啲。」她坦言在過去的幾個月，多了時間去增值自己。
對於港版國安法快將殺到，會否憂慮將來在創作上受限制？馮穎琪說：「因為我係寫旋律為主，當然我都有寫歌詞，我覺得我可能受嘅影響冇咁直接，但當然啦，我唔係話同我無關，我喺呢行都一段時間，我好清楚自己寫邊類型嘅嘢，喺我音樂入面，我唔會因為有個新法律而去調整自己，我會繼續做自己想抒發嘅嘢，而我抒發嘅嘢都幾有詩意，又鍾意讓聽眾有思考空間，我啲嘢好少畫到出腸，所以有啲人覺得係藝術性高啲。」
馮穎琪無懼港版國安法限制創作。
馮穎琪到商台宣傳新歌《清酒之約》。