當年今日
關於我們

【短片】【懷孕28週】老公何思源生日 大肚梁政珏送「肉嘴」冧夫

蘋果日報 2015/08/12 06:00

蘋果香港生日梁政珏即時生日蛋糕何思源

今年34歲嘅梁政珏懷孕28週,有胎盤前置同埋胎盤位置過低問題嘅佢,上星期六(8月8日)突然出血要急送醫院,醫生恐BB隨時出生,要佢留院卧床休息。

不過,噚日係梁政珏老公何思源(John)生日,唔可以同老公出外食飯慶祝,梁政珏特登教屋企菲傭姐姐,代佢整咗個生日蛋糕,等老公去醫院探佢嘅時候,畀個大驚喜老公。

老婆咁辛苦幫自己生B,何思源當然錫晒老婆,兩公婆唔單止情深咀嘴,何思源攞住囝囝張4D相,仲笑到鬼咁開心。梁政珏就話:「BB同老公一樣樣0架!但呢份禮物最快要10月先畀到老公。」佢仲話一定會好好養胎,因為知道屋企人都好錫佢:「真係好感動,老爺奶奶好錫我,老爺仲教埋菲傭姐姐煲湯畀我飲添!」