還有兩日就到香港中學文憑試（DSE）放榜，「怪獸家長」早已四出為子女頻撲尋找心儀學位，惟家長們小心適得其反，徒添子女壓力。有機構調查發現僅近兩成受訪應屆考生希望父母陪伴放榜，社工提醒家長切忌埋怨或與他人比較，支持和陪伴也須拿捏有度，「考生可能唔鍾意背後被控制」。

記者：葉偉東

香港聖公會福利協會社工鄺浩權舉例稱，父母或不經意提及親友的考試成績，也可能為考生添加壓力，「以為父母將自己同其他人比較」，「其實無話一定嘅方法去處理，唔同家庭有唔同方法，每名子女性格同期望亦唔一樣，最重要係同子女多溝通，睇吓佢哋需要邊方面嘅支持」。

鄺續稱，子女與家長期望的陪伴方式或有落差，「有啲學生覺得（父母）唔出聲、陪住佢哋就可以，爸爸媽媽就會覺得陪伴係指幫仔女搵課程、幫佢哋做哂所有嘢，仔女乜都唔使搞；但其實考生可能唔鍾意背後被控制。」鄺又建議父母當日切忌埋怨子女，「其實佢哋自己都知成績係點，等佢情緒平復返再處理；而且有時亦唔一定話要講啲乜，可以試吓由言語支持轉為非言語支持，例如，單純煮定啲佢鍾意食嘅嘢，仔女都可能覺得好窩心」。

香港聖公會福利協會服務總監李惠華，則建議家長對子女成績持開放態度，接納不同出路，「係咪一定要升學，呢條係咪唯一出路；好似有啲機構嘅招聘計劃係一邊培訓學員一邊工作，其實都可考慮吓」。

該會早前訪問284名應屆文憑試考生，受訪考生最不希望在放榜日遇到的，分別是遭父母批評和否定其努力（41%），其次是過份詢問（13%），有考生表明討厭父母「黑面」、「落井下石」、「周圍唱（其成績）」。

給家長的放榜日建議：
1.對不同出路選擇抱開放態度
2.每名子女的性格及期望都不一樣，了解最合適的支持方法，例如陪伴和支持的定義
3.為子女報讀課程或邀交留位費前，宜進行資料搜集
4.不宜責備和否定，以及過份追問
5.不宜將子女與其他人作比較