由俞承豪同蔡秀彬主演嘅韓劇《不是機器人啊》，港劇迷可於Viu上同步觀看。劇集噚日播出第9及第10集，劇集講俞承豪飾演嘅企業家金敏圭患咗人類過敏症，而蔡秀彬飾演嘅趙智雅就假扮機械人同俞承豪相處，俞承豪視蔡秀彬為好友，並向蔡秀彬表示自己想念初戀，又話：「觸摸了你之後，我知道答案了，我要把這條項鏈送畀佢，我人生中最後嘅女人，父母嘅忌日就係我嘅生日，佢就每年都記得，喺任何人都唔會祝福我嘅嗰日，給予我小小幸福嘅人，我人生中還會出現咁樣嘅人？謝謝你，這些就足夠了。」

俞承豪約咗初戀見面，令蔡秀彬感到不是味兒。俞承豪同初戀見面後覺得對方轉變很大，初戀仲不斷追問俞承豪係唔係會同自己結婚，俞承豪話自己唔係求婚，初戀同佢握手後就離開，仲話當結婚呢件事從來冇提出過。由於同人接觸令到俞承豪敏感症又發作，但佢就唔肯打針。這時蔡秀彬陪伴喺俞承豪身邊，俞承豪嘅病徵竟然離奇消失了……

俞承豪對蔡秀彬講：「如你所見，剛才被甩，因為係你，你全知道，現在坦白也不丟臉。」二人一直鬥嘴，蔡秀彬反指俞承豪需要自己：「至少我知道你現在需要我，不然你為甚麼抓住我嘅手？」而俞承豪發現自己敏感症有機會好返，蔡秀彬更帶俞承豪到市集，體驗一般人嘅生活，俞承豪發現只要望實智雅就唔會病發：「係因為你，係因為你喺我身邊，我會給你買電池，買一副喺這個世界上，可以用最久嘅電池，直到我死為止，你就一輩子待在我身邊吧，因為從現在開始，你是我最珍貴嘅寶物。」俞承豪更抱實蔡秀彬，此時蔡秀彬前度嚴基俊發現蔡秀彬同俞承豪越來越親近，及時趕到並打了俞承豪一拳，並決定帶蔡秀彬離開。

蔡秀彬回歸正常生活，但俞承豪發現自己一直想念對方，彷彿到處都有佢嘅影子，俞承豪亦確認蔡秀彬喺自己心中紮了根，仲為蔡秀彬空咗間房。

俞承豪認為自己嘅病痊癒了，所以向初戀提出約會嘅要求。蔡秀彬誤打誤撞到俞承豪家裡「上班」，俞承豪話：「你從今天開始，每天都要學習我，然後要輸入大量嘅訊息，我要在你那心臟般嘅硬件裡紮根。」俞承豪仲向嚴基俊軟硬兼施，要求佢畀蔡秀彬留下來……

更多韓流，喺晒《娛果》
http://fb.com/appledailyent