【錫到嘴乾】大台劇出動「車震」吸睛 黃建東對手楊埕幻想:周柏豪嚟㗎

蘋果日報 2019/12/21 12:30

車震黃建東場埕失憶24小時

最鍾意扮鬼扮馬的黃建東,日前為無綫新劇《失憶24小時》獻出螢幕第一次,上飛鵝山拍攝一場「車震」激吻戲,而對手是曾經參加過多次選美的楊埕(Sabrina)。
黃建東和Sabrina都在IG貼拍攝花絮相,見2人跪在狹窄的車廂內,Sabrina一副戰鬥格,穿上低胸吊帶衫襯超短熱褲,與黃建東雙唇交叠,好激情。Sabrina留言:「作為一個演員,假如遇到好角色,豁出去是需要的!最轟動的吻~錫到嘴巴都乾了~有人呷醋嗎 #羨慕我 #周柏豪嚟㗎」。
至於新手黃建東自爆緊張到連食30粒薄荷糖除口臭,又自認「太大太長」,說:「冇錯,我人生第一次車震戲終於喺電視曝光了。收到咗好多訊息,大家問我係咪好enjoy?其實我從來未試過咁緊張。我好驚如果太投入角色做得多咗會唔會令對手誤會?如果太借位又會唔會好假?跟住我緊張到食咗30粒薄荷糖都有。跟住原來架七人車內籠好細,而我真係太大太長 — 講緊我個身型同對腳,所以全程3個鐘彎住條腰做係幾辛苦。謝謝好對手 #楊珵#,原來佢拍呢啲戲好有經驗,帶住我呢個新仔。希望到時出嚟OK~」他還自爆導演曾要求他除衫,但見到肚腩太大,擔心令人看後反胃,所以最後只是打開衫鈕,認真坦白。
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
黃建東和楊埕上飛鵝山拍攝一場「車震」戲。(IG圖片)
empty
二人四唇交叠,好纏綿。(IG圖片)
empty
Sabrina衣着性感。(IG圖片)
empty
其實七人車廂內籠好細,要在裏面彎身拍3小時,都幾辛苦。(IG圖片)
empty
楊埕幻想激吻對手是楊埕。(資料圖片)