【本報訊】今世無緣擁抱，但願來生再聚。鮑氏夫婦（化名）22周大的次子因結構異常夭折，鮑太更在引產手術後一度流血不止。至親手將次子埋下黃土，兩夫婦終於捱過「苦路」。常傍身的念珠成為鮑氏與次子的唯一信物，每次祈禱有如接通天堂的密碼，「佢永遠都係我屋企一分子，佢只係去咗『寄宿學校』，我哋第日會喺天堂再見」。
訪問當日春意盎然，記者與鮑氏夫婦相約天使花園見面。伴着鳥語和微風，天使花園感覺安詳平靜。鮑氏夫婦先拿出念珠，在次子安葬的地方前祈禱。二人偕為虔誠天主教徒，說祈禱用的念珠有3條，其中1條與次子長眠樹下，「係我哋之間嘅信物。祈禱就好似密碼咁，同囝囝連接一齊」。

「唔係教徒就要被迫放棄」

次子Luigi去年12月僅約20周大，照超聲波發現身體結構異常，「當時醫生已經話情況唔樂觀，叫我哋留意多啲」。為了把握最後時光，鮑家在BB 22周大時特意到迪士尼樂園看煙花，「feel到BB郁少咗，已做定最壞打算」。翌日Luigi心跳停止，在私家醫院病房內進行引產手術，鮑太術後更一度流血不止要輸血保命。他們說，醫護為BB穿上夫婦一早準備好的小白袍，「BB放咗喺個盒仔，仲有體溫。鼻同輪廓都好似爸爸，個樣好安詳，瞓咗覺咁」。
「就算無法親手湊大，但佢永遠都係我個仔」，鮑生說無法接受親生子被當醫療廢物扔掉，幸得所屬的信仰有天使花園，故申請在該處安葬BB，「我哋一路走來係條苦路。不幸中之大幸係有信仰，如果唔係教徒，就要被迫放棄BB，真係好痛心」。
BB在1月中舉行葬禮，成為天使花園第6個小天使，由鮑生親自埋土，鮑太則親手製作紙盒小棺材並鋪好棉花。鮑生更在葬禮後一個月，夢到BB安詳地睡覺，二人總算釋懷不少。他們說，次子取名Luigi，是聖人鮑思高神父（慈幼會創辦人）最乖的學生之一，「囝囝只係去咗鮑思高嘅『寄宿學校』，我哋第日會喺天堂再見」。
■記者李詠希