當年今日

白姐姐預先批准阿Paul包二奶

蘋果日報 2002/01/03 00:00


白韻琴(白姐姐)和好友黃夏蕙昨日自澳門返港,白姐姐在信德中心接受記者訪問時說:「我新年喺屋企靜思己過,呢兩年都唔好運,因為太信人,今年我會勤力啲,得過且過唔會有好運。」

男友無福消受
問到白姐姐可有打算結婚,她說:「結婚唔係喜事,我唔會為一棵樹放棄一個森林,亦唔會為一粒星放棄整個天空,阿Paul(謝偉俊)都可以有好多小星星㗎!」記者問何謂小星星,她說:「好似何生(何鴻燊)嘅二姨太、四姨太小星星咯!」
記者昨日致電謝偉俊,他回應說:「有咁多小星星唔係福氣,一日走幾轉咁煩,我一個就夠晒數。但我贊成唔結婚,順其自然,我成日幫人搞咁多離婚,形式嘅嘢冇意思。」
採訪:林妙萍、張止寒
攝影:陳偉權