當年今日

搵好友扮保鑣充「大老闆」

蘋果日報 2018/11/24 00:00


【本報訊】Adi被指捲走「大橋牌」2,000萬元定金,《蘋果》調查後揭發,原來他在東莞開設的車房和餐廳亦人去樓空,合夥人至少被捲走800萬元資金。一名在其餐廳當主管的員工直言,Adi經常吹噓人脈廣,塑造「大老闆」形象,常帶夥計或保鑣在身邊,但最後才得知他們全是Adi的多年好友。
𠱁港商投資車房騙800萬
該員工憶述,Adi兩年前到東莞塘廈發展,憑口才說服到一名港商出資800萬元開設汽車美容中心,至今年4、5月更在毗鄰開設以賽車作主題的餐廳,聘請十多名員工。有次他帶員工去泰國芭堤雅旅行:「對住唔認識嘅人,佢吹到天花龍鳳,去到邊,乜嘢(別墅)都話係佢嘅。有次去珠海比賽,我帶朋友出嚟,佢竟然同人講我朋友係佢保鑣。」

員工指,Adi為人豪爽有義氣,故沒想過他連員工的錢也騙走,「佢經常話上面有個上莊,所以我都幫朋友搵佢搞兩個深圳灣中港牌、一個港珠澳牌,總共投資75萬,人哋連新車都買埋,點知佢走咗佬」。老闆消失留下一屁股債,餐廳主管面對員工欠薪及供應商欠款問題頓感徬徨,幸好公司在銀行存放了12萬元營運資金,他只好到銀行擔保簽紙才成功提款發放薪金及找數。

出資800萬元的港商女兒稱:「我阿爸借咗至少幾百萬畀佢,再加一個港珠澳中港牌,涉及800萬元,而且佢仲拖欠我一年半嘅糧共18萬元。」惟她對Adi騙財仍半信半疑,「佢早年母親離世,留低千幾萬遺產,係我介紹律師朋友畀佢,所以我唔相信佢今次係走佬,可能佢有事發生箒」。

記者到過Adi位於元朗和石塘嘴的住所,均沒人應門,村民指已近半年沒有見過他。至於Adi開設的公司,記者了解發現是位於中環的秘書公司,不但也被欠租,近日更有大批受害人上門查詢Adi去向。

■記者張 軍