郭富城同張智霖嘅愛駒「愛將」向來表現好好，出道跑過六場，便獲四冠兩亞。呢匹未甩過Q嘅馬，實力當然唔簡單。但如果可以將「愛將」打敗，咁嗰匹馬一定更唔簡單啦！講嘅就係苗廐「積多福」，呢隻馬上季曾輕鬆搞掂「愛將」，我哋知道「積多福」勁，冇理由田泰安（安仔）唔知㗎？所以安仔今朝一早到場就操呢匹馬，佢咁識貨，唔知今季有冇機會再騎「積多福」出賽呢？