52歲嘅「鬼王」雷宇揚，88年加入過大台藝訓班，當時觀眾未必熟悉佢，直至佢坐正做香港鬼王，雷宇揚呢個名先烙印喺大家心中。

除咗係鬼王，雷宇揚原來曾經都係「鬼仔」－－擁有八分一英國血統。後生時就算唔稱得上好靚仔，但都有自己嘅風格。而佢嘅風格，就喺髮線上顯露出嚟。

好多男士都介意自己髮線高，但雷宇揚應該冇考慮過呢個問題，仲好大方將個「美人啄」梳出嚟開心share。

除咗「美人啄」，雷宇揚又試過剷光頭、或者留大側陰，o依家呢，就剷青將中間啲頭髮jel起，充滿型佬味。