吳文忻收取過百萬酬勞，成為蕭定一旗下美容院首位整容明星代言人，她早前到韓國接受六項整容手術，經過23日消腫，昨日她在男模特兒陪伴下，現身「吳文忻完全變靚之旅」記者會，但見她略現疲態，而且除了鼻子明顯挺直外，面容也未完全消腫，雖然祛了斑，但近看仍有紅印，注脂了的額頭還是凹凸不平，整容功效不算顯著。

被投以怪目光

蕭定一說吳文忻整容前後都有很大壓力，還即場向對方道歉，吳文忻則坦言曾嬲蕭定一，在韓國時又向他發脾氣，吳文忻說：「我以為係全身麻醉，去到先知係局部麻醉，最後我都頂硬上。我身體上同心理上都有壓力，都擔心消唔消到腫，出街啲人以奇怪眼光望我，追住問我嘢，都有人話支持我。」
問吳文忻覺得現在的容貌值多少分時，她說：「我嘅性格同內在有100分，我唔係要外表加分，我為我敢做同敢認而驕傲。其實所有嘢都係我自己身上抽出嚟，冇乜嘢係假，雖然中間有少少後悔，但呢個係好正常。」
另外，周汶錡不滿被蕭定一的美容院職員說她整容而發律師信，蕭定一就很淡定的說：「幾好笑，都唔知告乜，我個職員話冇講過，我有覆律師信畀佢，叫佢有乜就告職員。」
採訪：駱華齡　攝影：林德雄