日劇《半澤直樹》女星上戶彩喺2012年與EXILE隊長HIRO結婚，更在2015年8月育下囡囡，不過兩人去年婚變消息傳過不停，有指男方經常以工作理由外出過夜，甚至傳出佢與旗下師妹組合E-girls成員搞婚外情，令上戶彩有離婚念頭，近日佢更激瘦現身，情況令人擔心。

噚日，上戶彩亮相代言牙齒護理產品記招，着住連身粉藍色裙嘅佢，難以遮掩皮包骨身型，手手腳腳都好瘦，比佢拍攝呢個新廣告時，都瘦咗好多。上戶彩宣傳產品時不忘提到囡囡，好緊張個女牙齒健康嘅佢，話會揀啲柄身較柔軟嘅牙刷俾囡囡。