【李八方online】中女廚房 阿欣闖街市vs小麗切菜
李卓人李八方ONLINE劉小麗
【新增動新聞】
盛傳獲阿爺欽點代表建制派出戰九龍西補選的陳凱欣,尋晚喺facebook推出「阿欣廚房」短片(相關新聞: https://bit.ly/2x5Szhb ),話「今集我哋買住餸先,下集示範煮㗎啦」後,正積極考慮代表民主派出戰嘅劉小麗同李卓人,原來一早去咗街巿買餸、煮好再食埋,尋晚上載名為「麗人廚房」的短片,令人見識到阿人原來係烹飪高手!
片中示範整沙律同意粉嘅阿人笑言,學煮嘢係因為老婆擅長煮中菜,佢為咗爭寵,令個囡錫老豆多啲,所以就學煮嘢,而因為佢個囡鍾意食意大利粉,所以佢就教大家整一味叫「紅粉佳人」嘅意粉菜色。片中見阿人煮嘢時相當熟手,仲一度笑小麗切菜太慢,真係幾有大廚風範喎!阿人就話睇到大家讚佢啲嘢好食,佢就最開心。
小麗就話,好多街坊日忙夜忙,等到收工,街市都收檔,而且街市檔位嚴重不足,街坊冇乜選擇,要買新鮮食材煮飯畀屋企人及朋友,變得好奢侈,所以覺得喺忙碌之中,一家人能夠同枱食飯,都係一種幸福。小麗又話去街巿買餸時,聽到最多檔主反映嘅係希望政府要做好啲醫療喎。
阿人一度笑小麗切菜太慢。李卓人facebook片段