馬季踏入倒數的階段，周六（7月1日）沙田跑七草三泥，三場泥地賽均為同班同程最後一戰，擅泥分子都要把握最後機會，尤其係未交代的馬。

出戰第八場三班1650米泥地的「變出美麗」，今季九戰只獲一亞兩季，大前仗在潘頓胯下鼻位飲恨，賽後騎者要求睇相唔多忿氣，減夠分這次落番三班跑，潘頓即重掌帥印，決心為此匹「美麗」系馬勝出交代。

「美麗」系馬主郭少明曾表示，很欣賞潘頓的騎功，會盡力支持他。雖然潘頓陣上表現有時飄忽，令人詬病，但他騎「美麗」系馬往往全力以赴，竭盡所能，潘頓今季曾為此系馬取得12Win，合作成功率極高。

「變出美麗」上季一口氣贏四場，評分高企，今季搏極最叻只跑位置，兩仗前配潘頓跑三班谷草一哩，與「睡德福」鬥至叮噹馬頭要影相分勝負，後駒之鞍上人巫顯東一早解鞍，似乎打定輸數，但最終卻影贏，難怪潘頓向競賽小組要求看清楚決勝圖，反映騎者對影輸感到驚訝。，

「變出美麗」上季四捷分別配莫雷拉、韋達及潘頓（兩Win），明顯要硬功騎師幫助發揮，近兩戰回升二班換上蔣嘉琦和吳嘉晉，顯然非目標所在，無非博減分等落班。

馬房鋪排亦清晰，報定剛周三（28日）谷草一哩攞保護權，確保正選跑到季內最後一場三班泥地1650米，回配「美麗」系愛將潘頓，目標只有一個，就是全力出擊趕上尾班車。