當年今日
關於我們

勁Game搶先睇:
魔戒效應《DarkAgeofCamelot》網上現身

蘋果日報 2002/01/22 00:00


《魔戒首部曲:魔戒現身》雖然要到月尾香港先有得上,不過電影嘅熱潮經已席捲全城,唔少Fans被故事中的奇幻世界深深感染,重話要喺網上試吓玩魔界歷險。最近好多Game迷都話《DarkAgeofCamelot》嘅網上RPG好有《魔戒》Feel,而且佢哋團隊作戰形式亦同套戲好近似,不過唔知係唔係戲中嘅游俠Legolas真係太型仔,所以搞到啲電腦玩家都話要扮游俠!

文:李淮
游俠《魔戒》歷險領隊
開講有話「RangerLeadtheWay」,游俠在團隊中扮演嘅角色,主要包括引領團隊安全到達目的地同埋追蹤目標。喺《魔戒》之中,Legolas就充分發揮Ranger嘅專業精神,一句感應到前面好唔妥當,成班人即時收聲進入戰鬥狀態。配合佢出色嘅箭術同埋中三T都唔識笑嘅表情,演落的確入木三分。所以雖然戲中Legolas只屬配角,一樣大把人支持,近期勁Hit嘅網上RPG《DAoC》,更令大量玩家轉玩游俠添!
攻擊能力超晒班
其實游俠(Ranger)在《DAoC》大熱,除咗因為《魔戒》效應同埋森林精靈造型似足Legolas之外,角色的戰鬥力強勁亦是一大因素。
基本上Ranger面對同等級嘅怪物,只要防具和弓箭有番咁上下質素,單打獨鬥有絕對取勝嘅把握。假如係次一級嘅敵人,直情未埋身已經被你連環數箭射死,直頭拔劍都慳番。加上Ranger重有隱密技能,點數升得愈高潛行的步速亦會愈快,等你神不知鬼不覺玩埋伏,打國戰(RvR)嗰陣又可以做Sniper狙擊敵國Player,真係好鬼搞嘢!
打Ranger攻略
講完一大輪,究竟喺《DAoC》玩Ranger應該點升技能先至最勁?遊戲中RecurveBow共分為三種,代表不同程度的破壞力。而作為一個全面嘅Ranger,隨身配備短弓和大弓(GreatRecurveBow)已成為指定動作,短弓的主要作用係用嚟對付魔法師,以快箭阻截對方施放魔法,大弓則用來射擊一般敵人或怪物,務求產生最大殺傷力。除此之外,在低等級時你應盡快學會做弓箭,一來質素較高,二來又可以慳錢,三來重可以透過Master介紹不停接工作,將完成品送往指定的NPC賺錢,唔使驚失業!
《魔戒》人物對對碰

魔法師 遠程魔法殺手
在《魔戒》中佔有極大戲分的魔法師Gandalf,在戲中的魔法力量非常驚人,如果想好似佢咁厲害,玩《DAoC》就一定要揀Albion嘅Wizard,因為佢善於使用各種元素系魔法(例如冰和火),可以在遠距離使用強大的魔法將怪物擊殺。


戰士 血肉前鋒式打手
《魔戒》中的戰士造型都非常有氣勢,而在《DAoC》中,大家可以直接揀選戰士為自己的職業,Game內的三個國家,各有不同類型的戰士,其中有些更身兼「埋身戰」同「魔法」兩種技能,絕對係大家嘅首選。戰士在團隊中的主要工作,就是設法擋在前方,掩護魔法師在後方進行攻擊,所以難聽啲講,戰士嘅工作係專職捱打,亦即我們常聽到的Tank。


女戰士 打法極盡燦爛
喺《魔戒》戲入面貴為精靈族公主嘅Arwen,是以精於騎術而聞名。至於《DAoC》裏面,一樣有女戰士這個職業,而且玩家如喜歡,還可以玩埋騎馬(不過完全自動化)。女戰士在遊戲中的重點會集中在戰鬥方面,無論你用邊種武器,只要升高啲技能,女戰士會有特別多招式俾俾你揀,打起上嚟亦特別燦爛。