對於美心西餅有菠蘿包用上問題油，林先生稱，盼美心會有所跟進，「睇下係咪咁嘅事，係咪香港都會有呢個情況，食物安全一定係最緊要的事。」林先生續稱「每一間食肆點樣製作食物，態度最緊要。」

而較少買麵包食用的張太，則稱對美心仍抱信心，「如果話到佢咁，佢繼續仍然係咁，佢仲駛做生意嘅？應該會更加好啲。即係好似麥當勞咁，如果衰咗一次唔會再衰，咁大的機構，個品牌好難打造得咁高的地位，冇理由為少少嘅嘢冧落嚟。」