若最終政府落實收回頻譜，霍建寧表示，只有兩個辦法可以解決，其一「用錢買（競投頻譜），但若要同內地大公司鬥，要用好多錢囉。第二，如果唔買返，就要起好多機站，但係又係錢囉……全世界都唔係咁做，成本會貴好多。」
至於過去甚少談及電訊業務的李澤鉅亦指出，全球的政府都會給用盡頻譜資源的電訊商續約，「過去用得盡嘅，都一定續㗎。」
此外，市場質疑政府的建議，只為有意競投本港3G頻譜的中移動大開方便之門，霍建寧亦形容事件對業界的影響深遠，他更反問「政府要支持業界，定係另外一啲公司呢？」雖然他沒有指明中移動，但面對擁有5,000億元現金的中移動，就連首富李嘉誠亦要跪低，「佢哋喺內地市場一年賺千幾億……要bid（競投）冇得bid。」