強姦戲被批欠說服力
靚靚自嘲怪物唔夠網民正

蘋果日報 2009/12/15 00:00


無綫台慶劇《富貴門》前晚播映大結局,薛家燕趁此宴請一班台前幕後。日前網民狠批袁詠儀慘遭羅嘉良強姦的戲份有欠信服力,一向敢言的靚靚即還擊說:「可能啲網民天生好靚好身材,所以就覺得我哋呢啲係怪物。」
無綫台慶劇《富貴門》播出以來收視口碑均麻麻,平均36點(約229萬觀眾),最高是羅嘉良(撈家)及馬國明在大廈爆炸一幕,高達41點(約258萬觀眾),總算為劇集寫下一個圓滿句號。有份拍《富》劇的薛家燕前晚到觀塘筵開13席宴請台前幕後兼睇大結局,除了羅嘉良因為結婚未有出席外,其他演員都畀面撐場,呂良偉及袁詠儀(靚靚)一到場還鬥嘴搞氣氛,阿呂踢爆說:「最難搞係靚靚,又話唔可以開工超過12個鐘。」
empty
袁詠儀被羅嘉良強姦一幕遭到不少網友批評。劇照
empty
家燕姐帶同女兒石祐珊出席,更跟呂良偉、戚美珍打招呼。
智霖嫌濕碎
早前網民狠批《富》劇中靚靚慘遭撈家強姦的劇情令人難以信服,靚靚就強調自己沒有不快,並還擊說:「其實好與壞都會聽,聽咗之後先知唔好再犯錯,但人身攻擊就唔會理,可能啲網民天生好靚好身材,所以就覺得我哋呢啲係怪物,反而老公(張智霖)睇完之後就問我係咁咋?」廣管局上星期就強姦戲份收到一宗投訴,而前晚大結局就收到七宗投訴。無綫也收到五宗投訴關於《富》劇情節與人物下場不合情理,又有指壞人沒有受到懲罰,教壞細路。
結局不合理
此外,備受批評的《富》劇大結局也繼續被網民喪插,指劇情反智兼嚴重不合情理,特別是講到撈家挾持戚美珍等人在銀行,但居然沒有警員介入,反而靠馬國明一把口勸撈家。其後銀行發生大爆炸,被困的撈家及馬國明竟然安然無恙,失憶後的撈家更不用接受任何懲罰。
採訪、攝影:卓寶花