【有怨氣﹗】G.E.M.搞微博送禮 粉絲有怨言
蘋果日報 2014/02/04 06:00
鄧紫棋
鄧紫棋送禮畀支持的粉絲，原意係好，但卻惹嚟唔少網民抱怨。（微博圖片）- G.E.M.要食超大條糖醋魚。（微博圖片）
- 網民留言抱怨（微博圖片）
- （微博圖片）
好多藝人都鍾意喺微博吸納粉絲，當粉絲數目達到某個人次，就會有回饋，搞到粉絲瘋狂追睇微博。
近日因參加《我是歌手2》而喺內地爆紅嘅鄧紫棋（G.E.M.），其微博粉絲人數飆升。於年初三當晚，G.E.M.就公布已經已有500萬粉絲，佢仲上載咗張手上拎住五封大利是嘅單人照，佢註明內有佢親筆簽名同親手寫嘅新年祝福，封封唔同。
仲話：「只要是關注了我的朋友，從現在起24小時內，轉發及回覆此微博，就有機會獲得新年大紅包啦，名額5個，開始囉。」其實佢此舉係想回饋粉絲，不過呢個轉發就一發不可收拾，單就呢條微博，已被網民及粉絲瘋狂轉發咗逾33萬次，留言亦差不多有30萬次，認真誇張。
G.E.M.事後留言：「你們真是瘋了，竟然轉了35萬次！謝謝大家的投入！」
G.E.M.真係牙齒當金使，抽出5位粉絲成為本次嘅幸運兒，仲叫佢哋留意信箱領獎通知。
其中一位粉絲話好想得到G.E.M.呢個利是封，當作為19歲生日禮物，轉發前已喺微博透露若中咗獎就吃馬桶，G.E.M.睇到呢個留言後話：「我就想說為你健康著想，幸好你沒中獎，哈哈！新年快樂！」G.E.M.咁都睇到，證明佢真係有留意粉絲動向。
不過有人歡喜有人愁，雖然G.E.M.今次原意係好，希望回饋粉絲答謝佢哋支持，但由於轉發及留言實在多到超乎想像，故未能抽中或曾幫忙轉發嘅粉絲，就似乎有啲微言。
有網民要求G.E.M.以後唔好再畀呢啲福利，因為搞到坐立不安，最後又得唔到利是，該網民表示：「幸運的人真的太少，所以還是以後有心意的弄些給大家都有的福利好了。比如你自己錄制的私底下生活的小視屏或者好玩的。」
另一網民亦抱怨：「我們拼了命的轉發，卻得不到回覆，這對我們辛辛苦苦轉發的人卻得不到回覆的公平麼？最起碼把為什麼抽中他們的原因說一下。」
近日因參加《我是歌手2》而喺內地爆紅嘅鄧紫棋（G.E.M.），其微博粉絲人數飆升。於年初三當晚，G.E.M.就公布已經已有500萬粉絲，佢仲上載咗張手上拎住五封大利是嘅單人照，佢註明內有佢親筆簽名同親手寫嘅新年祝福，封封唔同。
仲話：「只要是關注了我的朋友，從現在起24小時內，轉發及回覆此微博，就有機會獲得新年大紅包啦，名額5個，開始囉。」其實佢此舉係想回饋粉絲，不過呢個轉發就一發不可收拾，單就呢條微博，已被網民及粉絲瘋狂轉發咗逾33萬次，留言亦差不多有30萬次，認真誇張。
G.E.M.事後留言：「你們真是瘋了，竟然轉了35萬次！謝謝大家的投入！」
G.E.M.真係牙齒當金使，抽出5位粉絲成為本次嘅幸運兒，仲叫佢哋留意信箱領獎通知。
其中一位粉絲話好想得到G.E.M.呢個利是封，當作為19歲生日禮物，轉發前已喺微博透露若中咗獎就吃馬桶，G.E.M.睇到呢個留言後話：「我就想說為你健康著想，幸好你沒中獎，哈哈！新年快樂！」G.E.M.咁都睇到，證明佢真係有留意粉絲動向。
不過有人歡喜有人愁，雖然G.E.M.今次原意係好，希望回饋粉絲答謝佢哋支持，但由於轉發及留言實在多到超乎想像，故未能抽中或曾幫忙轉發嘅粉絲，就似乎有啲微言。
有網民要求G.E.M.以後唔好再畀呢啲福利，因為搞到坐立不安，最後又得唔到利是，該網民表示：「幸運的人真的太少，所以還是以後有心意的弄些給大家都有的福利好了。比如你自己錄制的私底下生活的小視屏或者好玩的。」
另一網民亦抱怨：「我們拼了命的轉發，卻得不到回覆，這對我們辛辛苦苦轉發的人卻得不到回覆的公平麼？最起碼把為什麼抽中他們的原因說一下。」