日本女星小泉今日子聯同菅野美穗、滿島光、夏帆同坂井真紀合作TBS電視台新劇《監獄的公主》，將會於10月首播，安排喺逢星期二檔期播出，劇集由王牌編劇宮藤官九郎炮製，呢個檔期過往曾經播放《逃跑雖可恥但有用》、《四重奏》同《其實並不在乎你》，現時就正放播渡邊直美嘅《神奈小姐》，每集都話題同口碑之作。

《監獄的公主》講述小泉今日子同菅野美穗等幾位女因犯，出獄後同監獄嘅女教官滿島光策畫一宗綁架計劃，希望為好友洗清冤屈，對象係靚仔社長伊勢谷友介，幾位嘅囚犯造型已經陸續曝光，劇集嘅預告亦已公開造勢。預告片入面，幾位女角一齊着住鮮紅色晚裝，大玩華麗，佢哋幾個仲盡情糟躓伊勢谷友介。

至於另一部話題劇係由米倉涼子演女醫神嘅《Doctor-X》第5季，今日宣佈由草刈正雄演一位醫界頂尖人物，係與米倉對立嘅角色。