加拿大搖滾女歌手AvrilLavigne都成29歲人,佢喺新歌《HelloKitty》竟然玩可愛!
一開始佢着短裙同背心晒「青春」,條裙仲十足日本女子組合NMB條裙。
Avril之後搵班日本女仔幫佢伴舞,背景又有日本火車,都唔知係合成定係真日本。成個MV個風格都好有日本味,仲激似另一日本女歌手KyaryPamyuPamyu嘅風格。
Avril喺日MV入面仲食壽司同講日文「可愛」同「多謝」咁,一定冧死日迷。
不過最惡頂嘅係Avril竟然仲整招少女組合式踢腿,仲露埋打底褲,難怪外國有網民叫佢「長大」啦。