神級騎師莫雷拉下季將離港，正所謂好頭好尾，睇佢都好想衛冕騎師冠軍，完成四連霸。雖然，失去榜首位置。

剛戰（13日）谷中夜馬食白果後，現時被死敵潘頓以五場頭馬拋離，但見其仍甚積極向各練馬單位爭取支持，不甘坐以待斃。

周四（14日）晨操期間，莫雷拉在空檔時間，專誠到烽火台與多位倉主埋首密斟。

當中，他與一向合作愉快的蘇偉賢（外號表情王）傾得最投契，稍後即折返機坪上馬，分別為此倉口兩匹參戰馬在草地千八米起步點出試，包括替「同得福」進行草地彈閘，以及為「八十八十」草地敎閘。

其後，他又與蘇偉賢會合再斟，照動態來睇，上述兩駒料是雷神爭分重要籌碼，值得存記。