【武漢肺炎】基層學童冇wifi 補習社送數據咭網上學習
蘋果日報 2020/03/24 11:55
教育中心聯盟饒義興英譽教育
停課期間，不少學生要上網看教學短片、用通訊軟件交功課，饒義興收到不少求助，「話睇咗半堂就睇唔到，原來data爆晒，或者電話本身效能唔好，睇睇吓窒咗」。李潤芳攝
教育局強調疫情下「停課不停學」，除了正規中、小學及幼稚園，有補習社也轉型拍短片幫學生溫習。在石籬邨開業10年的英譽教育，創辦人饒義興坦言區內學生大多不富裕，部分人家中未必有wifi，廉價手機效能較差，網上學習困難重重，「手機得嗰幾吋mon，咁點睇啲字呢？我真係覺得好悲衰。」他自費買入大批數據咭，「一張電話咭流量得好少，都係10張、10張咁派畀佢哋。」
饒義興說，1月初已意識到內地肺炎問題嚴重，早於1月7日便要求全校師生戴口罩，並開始採購防護及消毒物資。他預料一旦疫情大爆發，停課是必然，故當時已開始考慮轉為網上教學，縱然效果一定不及面授，「冇面對面咁直接親切，咁可以解決學生問題」，但總算是維持學習的一種途徑。
停課一再延長，每個學生必須在網上學習，說來輕鬆，事實卻苦了一班基層學生，饒義興收過不少求助，「（短片）可能因為高清拍攝，佢睇咗半堂就睇唔到，原來data已經爆晒，或者電話本身效能唔好，睇睇吓就窒咗。」他坦言，這些基層家庭本身利用僅有資源或政府資助，為子女報補習班，才成為他的學生，「本身啱啱好、掹掹緊，你叫佢額外買部iPad，真係好大負擔」，因此送上數據咭，希望雪中送炭。
過去個多月，饒義興兩次免費派口罩予區內街坊，他笑言沒有計較口罩成本高低，唯獨撲口罩時大打人情牌價難計，「我好堅守取之社區、用於社區，等於我哋喺香港土生土長，都希望貢獻返喺香港，咁先對得住自己生長嘅地方。」
疫症當前，饒義興盼業界不忘教育初衷、團結捱過寒冬，正如他不時想起10年來教過的學生，「佢哋未必個個有咩大成就，可能副學士畢業、高級文憑畢業，但有人返嚟同我講：『阿sir，我依家做緊customer service，但我記得你當時同我講嘅嘢，我用得返出嚟，我覺得好有用』。」這就是只有教育行業能帶來的喜悅，「如果好多教育工作者被停薪留職、被裁員，咁（疫情）之後，邊個嚟教小朋友呢？」
記者 周婷
饒義興說，1月初已意識到內地肺炎問題嚴重，早於1月7日便要求全校師生戴口罩，並開始採購防護及消毒物資。他預料一旦疫情大爆發，停課是必然，故當時已開始考慮轉為網上教學，縱然效果一定不及面授，「冇面對面咁直接親切，咁可以解決學生問題」，但總算是維持學習的一種途徑。
停課一再延長，每個學生必須在網上學習，說來輕鬆，事實卻苦了一班基層學生，饒義興收過不少求助，「（短片）可能因為高清拍攝，佢睇咗半堂就睇唔到，原來data已經爆晒，或者電話本身效能唔好，睇睇吓就窒咗。」他坦言，這些基層家庭本身利用僅有資源或政府資助，為子女報補習班，才成為他的學生，「本身啱啱好、掹掹緊，你叫佢額外買部iPad，真係好大負擔」，因此送上數據咭，希望雪中送炭。
過去個多月，饒義興兩次免費派口罩予區內街坊，他笑言沒有計較口罩成本高低，唯獨撲口罩時大打人情牌價難計，「我好堅守取之社區、用於社區，等於我哋喺香港土生土長，都希望貢獻返喺香港，咁先對得住自己生長嘅地方。」
疫症當前，饒義興盼業界不忘教育初衷、團結捱過寒冬，正如他不時想起10年來教過的學生，「佢哋未必個個有咩大成就，可能副學士畢業、高級文憑畢業，但有人返嚟同我講：『阿sir，我依家做緊customer service，但我記得你當時同我講嘅嘢，我用得返出嚟，我覺得好有用』。」這就是只有教育行業能帶來的喜悅，「如果好多教育工作者被停薪留職、被裁員，咁（疫情）之後，邊個嚟教小朋友呢？」
記者 周婷
疫症當前，補習社被勒令停課。李潤芳攝
李潤芳攝
饒義興提早採購防護、消毒物資，早前兩次免費派口罩予區內街坊。李潤芳攝
饒義興創辦的英譽教育在石籬邨開業10年。李潤芳攝
饒義興希望業界團結捱過寒冬，「如果好多教育工作者被停薪留職、被裁員，咁（疫情）之後，邊個嚟教小朋友呢？」