蘭西情報課：炒樓好過食長糧
蘋果日報 2004/10/26 00:00
住宅價格急升，造就炒家沽貨獲利，其中以薄扶林貝沙灣幅度最大。蘭西最近同啲行內人士傾開，先知原來除咗大家熟悉嗰班炒家，另有唔少外籍人士。呢班過江龍，嚟自英國及澳洲等，炒得重狼過本地客。
班本地薑，因為唔少經歷過九七金融風暴一役嘅慘痛教訓，今次唔敢去到盡，冇以往咁辣；但係啲外籍客，近年至入市，完全冇心理負擔，所以放好多。
另外，佢哋喺祖家嘅物業，近年係咁漲價，賣咗之後，將啲資金調嚟香港，覺得香港樓好抵買，出手梗係零舍豪爽。唔怪得近一年，豪宅價格升得急啦，唔少重可以高過九七。
蘭西記得，港府高官苗學禮，舊年用近九百萬，買咗個貝沙灣六座中層A，每呎五千三，𠵱家估計升值七成，賺成六百二十萬。若果佢退休，攞到嘅退休金，相信都係約一千萬，𠵱家淨係層樓升值，都差唔多等於呢條數。
馬鞍山樓市漸盛
馬鞍山鐵路即將通車，效應已經浮現，該區成交大增。世紀21奇豐董事李峻銘話，該區居屋原來有唔少買家追捧，錦英苑今個月頭二十四日，就有二十四宗買賣，比六月多六成，係同區居屋屋苑之冠。
佢補充，買賣多，都係因為價錢平，自由市場呎價只係千六七蚊。
私人屋苑就以新港城最突出，暫時錄得五十五宗成交，原因係單位百零萬有交易。
馬鞍山區整體二手私人住宅成交，六月份得五十二宗，上月躍升至一百二十二宗，今個月頭二十四日已達百四宗。
班本地薑，因為唔少經歷過九七金融風暴一役嘅慘痛教訓，今次唔敢去到盡，冇以往咁辣；但係啲外籍客，近年至入市，完全冇心理負擔，所以放好多。
另外，佢哋喺祖家嘅物業，近年係咁漲價，賣咗之後，將啲資金調嚟香港，覺得香港樓好抵買，出手梗係零舍豪爽。唔怪得近一年，豪宅價格升得急啦，唔少重可以高過九七。
蘭西記得，港府高官苗學禮，舊年用近九百萬，買咗個貝沙灣六座中層A，每呎五千三，𠵱家估計升值七成，賺成六百二十萬。若果佢退休，攞到嘅退休金，相信都係約一千萬，𠵱家淨係層樓升值，都差唔多等於呢條數。
馬鞍山鐵路即將通車，效應已經浮現，該區成交大增。世紀21奇豐董事李峻銘話，該區居屋原來有唔少買家追捧，錦英苑今個月頭二十四日，就有二十四宗買賣，比六月多六成，係同區居屋屋苑之冠。
佢補充，買賣多，都係因為價錢平，自由市場呎價只係千六七蚊。
私人屋苑就以新港城最突出，暫時錄得五十五宗成交，原因係單位百零萬有交易。
馬鞍山區整體二手私人住宅成交，六月份得五十二宗，上月躍升至一百二十二宗，今個月頭二十四日已達百四宗。
上個禮拜六，兩個全新住宅樓盤內購，兩日總共賣出逾千伙，吸走唔少購買力，二手住宅市場雖然受影響，但唔算嚴重。
美記劉嘉輝話，過去一周，三十五個熱門屋苑成交比前周減少近一成九，但仍然有二百零四宗。
荔枝角美孚新邨仍然係最多成交嘅屋苑，有二十五宗，前周就有二十九宗，相信同價錢平有關。
佢相信，隨住買家逐步接受樓價上升嘅事實，同埋新盤買家回流二手市場，短期內成交可以企穩於逾二百宗水平。
資深投資者黎汝遠（圖五），東山復出以嚟，變得愈嚟愈高調，買賣極之頻密，見報率之高，真係拍得住啲明星。
佢啱啱又入市，用八百零五萬，買咗個尖沙嘴港景峯三座中層D，逾千二呎，每呎六千四。
港置葉展均話，呢個單位望九龍公園，同維港煙花景，所以黎汝遠唔使一粒鐘，就拍板成交，計劃長線收租。
呢排樓價係咁升，黎汝遠入咗嘅貨都升晒值，有啲已經沽咗賺錢。
旺角幾個舊式商場，好似信和中心等，賣老翻光碟出晒名。早排海關高調掃場，集中清洗呢啲售賣色情光碟舖頭。
聽講咁積極，其中一個原因，係同區內朗豪坊開幕有關，幫旺角區形象去鹹退黑，等朗豪坊可以喺清潔啲嘅環境下開張。
𠵱家幾個賣老翻鹹碟嘅熱門商場，十室九空，不過，都好過之前間間舖都活色生香，甚至大大聲播鹹碟，搞到行商場好似去咗色情場所咁。
電郵地址：
錦英苑自由市場呎價千六七蚊，吸引買家，今個月已經有十五宗成交。
美孚重有好多千零蚊一呎嘅單位放售，所以成交相對多啲。
黎汝遠