繼「安心事件」後，《逃犯條例》最近就成為一班Startup腦細的熱門話題，與上次一樣，就算平時不留意香港新聞都不時update立法會每日戰況。很多人都會說，「你行得正企得正，怕咩俾人拉」，但做生意的朋友，尤其與中國有業務往來就「唔係咁諗啦」。不敢說近年，至少在習近平上台前在中國做生意的朋友，多多少少都送過禮，否則根本難以在中國做到生意。

做Startup亦有同樣的擔心，其實很多香港的公司做生意時首選一定不是中國，雖然你說中國十三億人，「一人一蚊」都賺到你笑，但市場大，競爭更加大，你不接「地氣」，沒有人脈關係，根本做不到生意。腦細A笑言，「喺中國有成就嘅都經歷唔少，唔係話入就入。俾我做都做咗東南亞先啦，越南、印尼、泰國，加加埋埋都有幾億人，重點係競爭冇咁大，香港人仲有少少英文優勢落到地嘛。」

事實上，騰訊同阿里係中國以外都出現水土不服情況，近年都轉為投資當地公司，而非下下親自落場。做得起東南亞，到時都不一定要「反攻大陸」，可以當做駁腳直接比大陸公司收購Exit，IPO都不用做。

你們根本不怕《逃犯條例》，但腦細A就說，「說話又唔可以咁講，可能你今日只返去深圳飲一杯喜茶，他日真係反攻大陸做生意，如果一唔小心得罪某地方官，呢一個入境紀錄佢砌你咩都得。馬總都要退休啦。」

「咁講又係，早幾年打貪前，唔少保險經紀就幫唔少強國大客，喺公司日碌夜碌保單走資。難保他日是但一只大老虎倒台，樹倒猢猻散，誅連幾族誅到你個達官貴人，就隨時比人『砌生豬肉』，引渡返大陸。」

最後，腦細A樂觀相信，這只不過是場大龍鳳，只是要拖到立法會暑假休會，大家好落台。

撰文：黎兆沖

筆者為證監會持牌人士
http://fb.com/stallone.lai88

investMAN
For People of Style & Substance
掌握理財智慧 感受生活品味
http://facebook.com/investMAN.hk