亞視藝員馮家俊表示不接受道完歉就辭職嘅(前)亞視營運總裁馬熙的道歉，至於(前)六合彩之子蔡國威，接受《蘋果》電話訪問時就稱：「首先，我多謝馬熙先生致歉，但係依家先召開董事會，會唔會有啲遲？其實一早已經知道問題喺邊度，點解要去到過年最後一日，先去做呢啲事情？點解唔一早去解決？我覺得最實際都係出糧，如果出到糧既話，乜嘢事都可以解決。」

再問有同事啟動僱傭條例10A，自動遣散，對此蔡國威稱：「我哋好尊重每個員工決定，我都係睇新聞先知，有員工引述新聞部消息，因為出唔到糧，所以叫大家自行決定去留。既然有一個咁消息，我只可以講真係好難堪。」

那你的去向又如何？他說:「我哋份藝員約同一般員工會有啲唔同，我都有同勞工處了解過，所以需要多啲時間去諗清楚。」會唔會同公司了解？威仔話：「我覺得去到今日，公司話有新消息會通知藝人，但係我從來都冇收過通知，我覺得唔係我哋追問先有個答案，所以我好希望佢哋可以負返應有責任。」

噚日仲返去公司錄兒童節目嘅楊正軍，今晚接受《蘋果》電話訪問，佢指今朝一早有短訊返去藝員科問下有無支票，但一直冇回覆，直至下午5點45分才以短訊通知佢冇糧出。

楊正軍表示有睇馬熙見傳媒嘅直播，那他是否接受對方道歉？楊正軍說:「暫時仲接受，我本人真係唔想見到亞視執，因為我喺度成長喺度大，但根據今日發生嘅事，我都要有所打算，係咪計劃自己想去WorkingHoliday。」

楊正軍又謂同亞視合約去到今年11月:「其實父母都擔心我嘅前途，正搵人睇下份合約點，有冇乜嘢可以做到。」至於佢主持嘅兒童節目，預計開多兩日工就會完成存貨夠用至三月底，佢表示會履行工作、繼續完成埋錄影拍攝。