鄭伊娜（Ena）唔撈亞視，似乎一帆風順喎！有嘢做，又有公子哥兒追，最近仲投資5位數字做媒人，開speeddating公司，擺明係想挑戰盛女鑽石媒人MeiLing。

鄭伊娜月尾開張嘅SoulmateSpeedDating位於中環，佢接受《蘋果》電話訪問承認，瞓身做媒人的確真有其事，佢話：「係呀！我會開一間speeddating公司，除咗畀人認識男女朋友之外，仲可以識下新朋友咁，其實我哋第一次活動，係今個月29號。」

咁後生學人做媒人？想點知？Ena話：「都係0架！咁諗住可以將幸福帶畀多啲人。」鄭伊娜以藝人身份做生招牌開speeddating公司，係咪想挑戰盛女MeiLing先？Ena話：「其實無特別咁諗，喺依家呢個時代好多人忙住做嘢，呢啲公司都好需要。」

話明係介紹所，咁有咩筍盤介紹？Ena：「都有0架！做生意，藝人呀！佢哋自己工作好忙，無機會識啱嘅人，好多時出來唔知係咪單身，又唔好意思問，咁都好有多朋友可以推介，邊個就梗係唔會講喇！」

咁係咪真係有藝人報名架？有無富二代先？Ena話：「都有呢方面嘅朋友參加，但係唔可以公開，真係有藝人舉手報名架！有model，咩小姐，咩先生，有啲同我講知我開都話有興趣試下。」