坐監都鬧事?刀片跑手爭電話監倉「開片」
南非跑步斯廷坎普刀片跑手坐監比斯托瑞斯
記得開槍謀殺女友被判坐監嘅「刀片跑手」比斯托瑞斯(Oscar Pistorius)嗎?佢最近喺監倉涉同另一位監犯因為爭電話用大打出手,證實受傷。
監獄方面證實呢位「刀片跑手」同另一位監犯因為喺監倉嘅公用電話亭,排隊時發生爭執,繼而動武,手臂受咗傷,之後就被扣押喺監獄入面嘅懲教中心受罰,亦會徹查事件起因,而且唔排除如果發現佢主動先郁手,可能會加重判監刑罰。
不過,其實同佢大打出手嘅呢位監犯,據講平時同呢位南非跑手幾friend吓。
比斯托瑞斯喺2013年涉嫌槍殺模特兒女友斯廷坎普,原本被判誤殺,但及後重組案情,法庭喺2016年改判佢為謀殺,要入獄13年,現時就關押喺南非比勒陀利亞北部呢所專門為殘障人士犯罪而設嘅監獄。
--------------------
球迷一定要知!英超一哥曼城,已經登陸『BFB』!登入即送藍月球星: http://bit.ly/2AAiPDS