【新增內容】真人版電影《銀魂》去年在日本叫好叫座，導演福田雄一再接再厲，以小栗旬、菅田將暉、橋本環奈、長澤正美；岡田將生等原班人馬度合作，一度盛傳辭演嘅堂本剛最後都繼續飾演高杉晉助，《銀魂2》安排8月17日上映。

今集故事圍繞《真選組動亂篇》及《將軍接待篇》，片商日前公開幾個新角色造型海報，不過就大玩神秘，今日終於解禁消息，一如所料由窪田正孝飾演鬼兵隊成員之一嘅河上萬齊，而伊東鴨太郎就係由三浦春馬扮演，兩人造型正式曝光，而其他新登場人物松平片栗虎、猿飛菖蒲、德川茂茂相信都好快會有答案。

另外，三浦春馬繼開完微博後，今日開埋Ig吸各地粉絲，佢仲好有心機以日文、英文、韓文及中文同fans打招呼，仲分別以繁體同埋簡體字照顧中港台fans，短短4小時已破7萬網民追隨。

精選娛聞，喺晒《娛果》
http://fb.com/appledailyent