就算加納對美國和波,兩隊就同分,到時都仲要睇吓得失球差,先知道邊隊可以晉級16強,所以今場對捷克嚟講,和波真係未必咁有着數。相反意大利其實都唔係想像之中咁穩陣,如果呢場輸咗畀捷克,而加納嗰邊又贏埋美國嘅話,意大利將會黯然出局,到時真係喊都無謂啦。
今場賽事對兩隊都非常重要,實在係不容有失。喺咁嘅情況之下,我就寧願揀番𠵱家受讓半球嘅捷克下盤,話晒和波都有錢收。
另一場推介場次係克羅地亞對澳洲。克羅地亞上場0:0悶和咗日本,令到出線形勢相當不妙,今場一定要贏波先可以出線。相反澳洲只要和波就可以晉級。不過仲有一個可能性,就係日本大數巴西,但呢個可能性好低。