【四年情完】拒同羅天宇復合 湯洛雯斬釘截鐵:問題解決唔到
羅天宇分手湯洛雯
湯洛雯與羅天宇拍拖以嚟,讓人感覺似兩小無猜,拍拖四年幾一直人前恩愛,未想到佢哋去年同搬入紅磡昇御門愛巢同居試婚後,因為生活上問題,分開咗大概四個月(新聞連結: http://bit.ly/2IibURp )。
佢哋好坦言面對,今日湯洛雯出席無綫劇《翻生武林》宣傳活動,同場有蕭正楠、陳凱琳、黃智賢及姜大衛等,蕭正楠着咗劇中「神雕」戲服上身,製造驚喜之餘,仲成功搶fo。
湯洛雯公開分訊後,直言鬆咗一口氣,之前分手已經諗點同大家講,加上自己唔慣公開私人感情事,所以先一直冇主動講,不過佢話確實冇第三者存在,分開只係自己感情問題,問到佢同羅天宇有冇機會復合,湯洛雯斬釘截鐵咁講,佢哋存在咗一個解決唔到嘅問題,就算復合都冇意思,之後仍然會keep住做朋友。
目前湯洛雯會專注喺工作上,用啲時間沉澱下情緒,佢又話雖然唔抗拒追求者,不過暫時冇準備接受新感情,需要時間去了解對方,想搵一個成熟穩重又細心嘅男友。
精選娛聞,喺晒《娛果》
http://fb.com/appledailyent
湯洛雯被揭同拍拖四年嘅羅天宇分手四個月。(資料圖片)
最初唔認拍拖,之後高調番,但最後反高潮,感情結束。(資料圖片)
湯洛雯今日喺活動再次澄清,分手係因為感情問題,不涉及第三者。