家啲數碼產品唔係港男嘅專利，唔少港女好似小妹咁，都追捧數碼相機、影音，仲係話買就買嗰隻，唔會好似啲港男咁左度右度先出手。好似專攻女性客群嘅始創中心斥資2,500萬，將中心打造成一個全新數碼廣場，打頭炮呢個月28日至6月14日一連18天舉行旺角首個數碼節，有成70幾個商戶參加劈價吸客。

電池耳筒1蚊雞發售

協辦嘅數碼主題公司行政總裁張耀成話，家啲女性顧客對IT產品需求甚殷，今次數碼節對象除咗啲港男外，女仔都係其中一個重點，所以數碼節唔單止賣電腦、機頂盒，仲賣埋女仔至愛嘅單反相機同相機袋等周邊產品㖭。最新名牌都會劈價近半發售，好似近排美少女買到斷巿嘅Canon550D數碼相機劈價34%賣$5,480，潮人至愛嘅iPad減價四成賣$3,900，絕對係平通街。
張耀成話，仲有好多超值推介以1蚊雞發售，包括電池、耳筒、讀卡器等，消費滿$500蚊，可以換張一定有獎嘅擦擦卡，同埋每日嘅日日賞抽獎，獎品包括iPad,iPod,Wii,SonyW350數碼相機、Nokia手機等；終極抽獎係一萬蚊。
張耀成又話，數碼節期間場內都有好多活動，包括有世界盃美少女人像攝影比賽、3D電影動畫製作密室大解構，「啱晒啲女仔嚟學吓影相，費用全免。」查詢電話26269777及網站 http://www.pdcpc.com.hk