2017年嬴家當然C朗，除了亦帶領皇馬破天荒衛冕歐聯，佢仲拎埋16/17西甲，年尾仲衛冕世冠盃。而個人方面，除了包辦最佳球員獎項，17年仲生埋三個小朋友。

美斯2017年就表現一般，只係為巴塞捧走西班牙盃，自己就憑16/17的西甲攻入37球，拎到歐洲金靴獎。不過美斯場外就好成功啦，七月同女友安東莉娜拉埋天窗。

有球王接班人之稱的尼馬都好威水，今夏以破紀錄最高轉會費1.98億鎊(約20億港元)由巴塞轉會去PSG。而地上最強都以 1.38億鎊（約14億港元）全球第二高轉會費，由多蒙特簽入奧士文尼迪比利頂替尼馬。

一口氣講完咁多球星，又愛回家，回顧下英國足球啦。

16/17球季英超最威當然係車路士，新教頭干地登陸英超就拎冠軍。藍戰士第五次贏得英超冠軍38場30勝 破紀錄的冠軍。曼聯的表現都唔錯，除咗拎英聯盃，仲拎埋歐霸做雙冠王。而阿仙奴就拎咗足總盃
雲格都算拎返個尾彩。

之不過2017年亦是唔少名將退役，不過長江後浪推前浪，今年都不少新球員彈起。當中梗係唔少得香港的代表，分別踢英甲及澳職的浚仔和張煒琪啦。

回顧咁耐都要展望下將來，17/18英超冠軍大熱就當然係破盡英超紀錄16連勝的曼城啦。

另外2018俄羅斯世界盃六月就開波，大家最關注的英格蘭，同組有比利時、巴拿馬及突尼西亞。18年唔知邊隊可以舉起大力神盃呢？

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM