【新增圖片及內容】
韓國女神全智賢跟「長腿Oppa」李敏鎬主演嘅SBS新劇《藍海傳說》將於今晚播出第三集，劇組今日就公開新預告照劇透。

公開嘅預告照中，朝鮮時代嘅縣令金聃齡（李敏鎬飾）於雪中被刺客圍堵，不過oppa毫不驚慌，表現非常鎮靜，似乎今集將會透露更多男女主角於朝鮮時代嘅故事。

今晚一集會講到，現代嘅天才騙子許俊在（李敏鎬飾）跟人魚沈清（全智賢飾）分別回到首爾，沈清為尋找許俊在而游到去首爾，更於街頭茫然地尋找oppa。

另外，女星洪真京亦於今晚一集中客串登場，飾演露宿者，而且係沈清嘅好友。唔通係人魚沈清去到首爾後，因人生路不熟而且太肚餓，最後得到洪真京幫忙？