【政見保平安】楊明避見人新劇宣傳冇影 監製再派定心丸唔刪戲份
蘋果日報 2020/09/14 20:41
楊明我家無難事郭家無難事王心慰撞車馬在驤
因再次涉嫌酒後駕駛的無綫男藝人楊明，上月8日在山頂馬己仙峽道撞車，上周一到上環中區警署報到，當日他所乘坐的白色七人車獲批准停泊在警署停車場。除了警署開方便之門，無綫亦都錫住楊明，縱使楊明簿仔已劃到花晒，但無綫一於少理，早前有傳楊明被飛出新劇《我家無難事》（舊名：郭家無難事）劇組，並會由蕭正楠頂上 ，但劇集監製王心慰否認，又稱不擔心楊明一旦罪成可能會影響劇組工作。
今日《我》劇有活動宣傳，但楊明就唔見影，王心慰幫口解釋指楊明有工作在身未能出席，但他已一早試過造型，不會刪除他的戲份。王心慰有信心在3個月內完成拍攝，估計案件排期會在一定時間之後，相信對拍攝進度沒有影響。
王心慰透露楊明會演鮑起靜三仔，與黃嘉樂發生一段疑似同性戀關係。另外馬德鐘兒子馬在驤亦會獻出第一次，演馬德鐘的年輕版，7月時馬在驤在香港出席時裝活動，他曾言不會考慮加入娛樂圈，但今次反口參演劇集，他解釋：「因為疫情返唔到澳洲。 」
馬在驤首次參與拍劇，會演爸爸馬德鐘的年輕版。
唐詩詠會演馬德鐘老婆。
楊明上月撞車，當時滿身酒氣，最後因拒絕提供血液樣本被捕。（資料圖片）
上星期到警署報到，座駕獲放行停泊在警署。（資料圖片）
監製王心慰指楊明有工作在身所以缺席。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！