蕭正楠隔離期最擔心餵唔飽黃翠如 陳豪望與家人食聖誕大餐
蘋果日報 2020/12/11 20:09
蕭正楠陳豪李佳芯
早前被衞生署列為武漢肺炎緊密接觸者的蕭正楠，經過12日隔離生活後，已兩次檢測也是呈陰性的他，於本月8日終能返家慰妻。已隔離足14日的蕭正楠今日亦復工，到將軍澳席新劇記者會。
蕭正楠被問到隔離完後的心情，他說還可以，因為住隔離營的生活，並非想像般難過：「雖然自己要獨處一段長日子，而家真係冇大家諗咁難過嘅，去到嗰邊（隔離營）3餐會平淡啲，早睡早起，都冇得去夜街或任何地方，只係喺間房裏面睇書、做運動、聽音樂咁就一日。」雖然蕭正楠謂覺得隔離生活無聊，但他就表示當大家知道他需要被送進隔離營時，就連已很久沒聯絡的朋友亦會傳訊息關心自己：「好多謝大家嘅關心，我都想出嚟同大家講聲我2次嘅測試都係陰性，冇事喇，大家唔使太擔心我！」蕭正楠又說隔離期間，最擔心的就是老婆黃翠如的飲食問題：「我哋每晚都視像，我都會話畀佢聽，打開個雪櫃畀我望下有乜，跟住我就會同佢諗煮乜，同佢講煮多啲，第2日就可以食埋，你要話畀佢聽點去用餐，如果唔係佢真係求其攞個麵包食，又話食飽咗咁。」
另外，陳豪在新劇跟李佳芯又再演歡喜冤家，講起聖誕節會否安排節目給兒女，陳豪指希望劇組可以放人，給他時間跟家人吃一頓聖誕大餐就足夠，陳豪解釋：「當然喇！我講嘅係小型家人聚會，現時疫情比較厲害，我覺得還是每個人保持社交距離比較重要，由太太煮火雞，佢最拿手嘅菜式，佢咩都叻。」陳豪又指蕭正楠眼神充滿父愛：「哈哈！佢應該離呢段日子不遠，佢好快做老竇，我覺得佢係好善良嘅爸爸。掐指一算，BB嚟到！」
蕭正楠指隔離期間最擔心的是黃翠如飲食問題。
陳豪希望聖誕節能抽出時間跟家人食聖誕大餐。
李佳芯在新劇跟陳豪演歡喜冤家。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！