【新增圖片】

本屆香港國際騎師錦標賽，於今晚（6日）快活谷第四場正式展開，賽前馬會搞咗一個簡單隆重嘅開幕儀式，一眾參戰騎師喺跑道上面一字排開，等待儀式開始。

其後，馬會主席葉錫安及馬會CEO應家柏，以及一眾主禮嘉賓上台，逐一介紹各騎師背景，一眾身型高挑嘅模特兒，陪伴騎師走到台上，葉錫安則贈送紀念品予各位騎手，並以璀燦煙火作儀式結束。

藝人唐詩詠以一身白色華麗性感晚裝，出席今次盛會，以往唔多嚟馬場嘅佢，不斷手持電話向觀眾席拍攝，似乎對馬場事物大感興趣！

國際騎師賽一共有四關，分列為第四、五、七及八場，計分制度與騎師王彩池相同，頭馬12分、第二名6分及第三名4分。